Kryeministri i Shqipërisë, Edi Rama, sot, ka mbajtur një leksion në Universitetin e Elbasanit nga i cili e ka konsideruar reformën në drejtësi, si “ylli polar” në rrugën për të bërë shtet.
Rama deklaroi në bashkëbisedimin e tij me studentët e këtij Universiteti se hapi më i rëndësishëm i këtij procesi është vettingu, vonesën e të cilit nuk e justifikon asgjë.
“Reforma në drejtësi është një “yll polar” në rrugën tonë për të bërë shtet, këtë herë synon të përmbysë sistemin. Nuk ka asgjë më të rëndësishme se çuarja përpara e kësaj reforme, nuk e justifikon asgjë vonesën për zbatimin e saj. Hapi i domosdoshëm për të nisur një proces, vettingu i prokurorëve dhe gjykatësve. Pushtetin e kanë kriminelët në sistemin e drejtësisë”, tha Rama.
