Këshilli Drejtues i Televizionit Shqiptar ka votuar sot për të zgjedhur Drejtorin e Përgjithshëm. Pas votimit, me 7 vota pro dhe me 4 kundër, Drejtori i RTSH është zjgjedhur Thoma Gëllçi.
Burimet bënë me dije se Thoma Gëllçi u zgjodh me shumicë të cilësuar çka tregon se ka marrë mbështetjen edhe nga opozita.
Votimi i Gëllçit i jep fund një maratone të gjatë për zgjedhjen e Drejtorit të RTSH. Më herët, Këshilli Drejtues i RTSH ka hedhur në votim kandidaturën e Gëllçit por ky i fundit nuk ka arritur të marrë votat e nevojshme për tu zgjedhur. Në këtë garë që zgjati rreth 1 vit, humbi konkurenti Petrit Malaj.
Drejtori i ri ka qenë këshilltar i Fatos Nanos, ndërsa pas rënies nga pushteti ishte larguar në SHBA.
