Ish-zv/ministrja e Brendshme në kohën e Saimir Tahirit, aktualisht deputete e PS në parlament, Elona Gjebrea është marrë në pyetje nga Prokuroria e Krimeve të Rënda para pak ditësh.
“Panorama” shkruan sot se Gjebrea është thirrur në cilësinë e ish-ministres së Brendshme.
Lajmi për marrjen e saj në pyetje u dha mbrëmë nga Blendi Fevziu gjatë emisionit “Opinion”. Ai lexoi nje mesazh, sipas te cilit një deputete e Partisë Socialiste është thirrur nga Prokuroria për Krimet e Rënda për të dëshmuar në lidhje me dosjen “Habilaj”.
“Deputete e PS dhe ish-zyrtare e lartë është thirrur nga Prokuroria e Krimeve të Rënda për të dëshmuar. Unë emrin nuk po e them për etikë, kjo ngjarje ka disa ditë që ka ndodhur dhe nuk është konfirmuar ende”, deklaroi Blendi Fevziu.
*Në foto Saimir Tahiri dhe Elona Gjebrea gjate fushates per PS ne Tirane
