Kryesia e Partisë Demokratike, të enjten, ka vendosur se përgjatë dy ditëve, 28-29 prill, do të mbledhë Kuvendin Kombëtar për të shqyrtuar ndryshimet statutore.
Deri në fund të prillit, një grup pune i përbërë nga Edi Paloka, Edmond Spaho, Arben Ristani, Enno Bodzo dhe Fatbardh Kadilli do hartojë ndryshimet statutore.
Pas mbledhjes së Kryesisë, Lulzim Basha u shpreh se çdo demokrat ka në dorë mundësinë për të kontribuar në këtë transformim të PD.
“Diskutimi ka qenë jashtëzakonisht i frytshëm. Sigurisht që ka mendime kritike, pa i rrahur mendimet nuk mund të arrihet në një rezultat. Shqiptarët e shohin këtë jo si një proces vetëm brenda PD, por si një grup nga i cili do lindë një shpresë për të gjithë vendin. Do t’i japim mundësinë çdo demokrati të japi kontributin e tij për këtë transformim të Partisë Demokratike. Nuk do jetë një takim formal, por bashkim i mendimeve”, u shpreh Basha pas mbleshjes së kryesisë.
