Shqipëria do të përfaqësohet në Eurovizion këtë vit nga këngëtarja Jonida Maliqi me këngën “Kthehu Tokës”. Këtë periudhë Maliqi është fokusuar tërësisht në performancën e saj në Tel Aviv për të përfaqësuar sa më denjësisht Shqipërinë.
Ditën e sotme këngëtarja ka publikuar në rrjete sociale datën se kur do të performojë në skenë. Maliqi do të ngjitet në skenën e Eurovizion në datën 16 maj, që përkon me natën e dytë gjysmë-finale.
Jonida do të këndojë e 14-ta në renditje këngën e saj “Kthehu Tokës”. Disa javë më parë ajo publikoi edhe klipin shoqërues për këtë kompeticion, ndërkohë që ende nuk është shprehur për surprizat e perfomancës që do të realizojë në Izrael./Opinion.al/
