2015-ta ka qenë i pasur me muzikë të mirë dhe hite të padiskutueshme në muzikën shqiptare. Shumë prej tyre janë kthyer në lajtmotiv dashurie, janë bërë pjesë e playlistave të telefonave, por në të njëjtën kohë i kemi dëgjuar pa pushim.
Bashkëpunimi Era Istrefi-Ledri Vula, është një nga hitet e verë 2015. Por edhe nëse i hedh një sy You Tube, kënga i ka kaluar 20 milion klikime.
“Love Me” është një tjetër bashkëpunim i suksesshëm dhe shumë i pëlqyer i 2015-tës. Elvana Gjata dhe Bruno janë protagonistët e tij.
Kida dhe Mozzik janë dy këngëtarë të rinj, por që kanë hyr fuqishëm në tregun muzikor shqiptar. “Premtimet” e tyre është një tjetër hit i verë 2015.
“S’jena mo” bashkëpunimi mes dy reperave të të njëjtit label “Babastars”, doli në fund të verës por u bë një nga këngët më të dëgjuara të vitit që lamë pas. Geti dhe Majk, me këtë këngë i kanë kaluar më 22 milion duke u kthyer kështu në këngën më të klikuar të verës.
“Kalle” e cila vjen si bashkëpunim i Adrian Gaxhës dhe Lindon Berishës, është një tjetër hit i 2015.
Dafina Zeqiri ka publikuar shumë hite muzikore vitin që lamë pas, por ajo këngë që goditi dhe që pushtoi diskotekat shqiptar, ishte “Te ti”. Ky produksion mban vulën e Dj Sardit.
Enca Haxhia është një tjetër këngëtare, këngët e së cilës janë pëlqyer shumë vitin që lamë pas. “Soul Killa” është njëra prej tyre.
Kënga Magjike është festivali që prodhon hite. Dy nga këngët më të dëgjuara dhe të komentuara të këtij viti janë “Me fjalë të vogla” e kantatutorit Florian Mumajesi, e cila fitoi edhe çmimin e internetit, si dhe “Çifti simpatik” i kantautorit Ernest Duka i njohur si Stine. Me këtë çmim Stine fitoi çmimin e diskografisë. Në rast se këngët do të ishin publikuar më parë do të kishin shumë klikime, ato janë lançuar në dhjetor dhe kanë afërsisht 4 milion klikime.
