Ish-drejtori i Policisë së Tiranës, sot deputet socialist, Pjerin Ndreu ngre dyshime se segmente të caktuara nga bankat dhe kompanitë “security” bashkëpunojnë në grabitjet e bujshme të miliona eurove.
Ndreu shprehet se duhet hetuar dhe zbuluar se kush nxjerr informacion rreth të dhënave për transportin e parave si sasia e parave apo destinacioni.
Ndreu në Facebook:
“Duhet investigu dhe gjetë burimi i rrjedhjes së informacionit për sasinë e vlerave monetare që po transportoheshin.
Banka, shoqeria e transportimit apo destinacioni i mbërritjes kanë dikë që bashkëpunon me grupin e grabitësve.
Nuk ka sipërmarrje kriminale të këtij lloji, në atë vend me dendësi lëvizje, me shkallë të lartë rreziku, pa “sukses” të garantuar për sa i përket sasisë së parave që ndodhen në makinë”.
