Ndërsa sapo lamë pas Supër Hënën e datës 31 janar, një sërë eventesh të tjera astronomike do të ndodhin dhe ne do të kemi mundësi t’i shohim. Ky është kalendari qiellor i ngjarjeve astronomike që do të ndodhin në vitin 2018:
15 shkurt – Eklispsi Diellor i Pjesshëm
Eklipsi Diellor i Pjesshëm do të jetë i dukshëm në Amerikën e Jugut, duke përfshirë shumë vende si Argjentina, Kili, Paraguaj, Uruguaj dhe Antarktida. Eklipsi gjithashtu do të shihet në disa zona të Oqeanit Atlantik dhe Oqeanit Paqësor.
31 mars – Hëna Blu
Kjo do të jetë hera e dytë dhe e fundit për vitin 2018 që do të shihet Hëna Blu. Në fakt Hëna nuk do të marrë realisht ngjyrën blu por është ngjarje e rëndësishme sepse është Hëna e parë e plotë pas 31 janarit. Muaji shkurt nuk ka hënë të plotë.
16-25 prill – Shi Meteorësh Lyrid
Ky event është i përvitshëm. Kulmi arrin në mëngjesin e datës 22 prill. Numri më i madh i meteorëve do të bjerë pak orë përpara agimit.
6-7 maj – Kometa e Halley
Shiu i Meteorit Eta Aquarid ndodh zakonisht mes datave 19 prill deri në 28 maj çdo vit. Në 2018-ën kulmi do të jetë në datën 6 Maj. Koha më e mirë për ta parë është agimi. Eta Aquarid është një nga dy meteorët e krijuar nga Kometa Halley. Hëra e ardhme që do të jetë e dukshme është në vitin 2061.
27 korrik – Hëna e Kuqe
Hëna do të marrë ngjyrë të kuqe në eklipsin e saj të rradhës që do të ndodhë në 27 korrik. Eklispsi do të jetë i dukshëm në Europë, Amerikën e Jugut, Akrikë, Azi dhe Australi.
12-13 gusht – Shiu i Meteorëve Perseid
Ky është shiu i meteorëve më popullor në botë e këtë vit do të jetë më i bukuri. Këtë vit do të kemi mundësi të shohim rreth 60 ose 70 meteorë në orë. Ngjarja do të ndodhë natën e 11-12 dhe 12-13 gushtit. Nata e dytë pritet të jetë më spektakolare.
2 tetor – Shiu i Meteorëve Orionid
Shiu i Meteorëve Orionid këtë vit do të jetë i dukshëm në datat 2 tetor deri në 7 nëntor. Kulmi pritet të jetë në datat 21 dhe 22 tetor. Orionidi është shiu i dytë i meteorëve krijuar nga Kometa Halley. I pari ishte Eta Aquarid.
17 nëntor – Shiu i Meteorëve Leonid
Në 2018, Shiu i Meteorëve Leonid do të ndodhë në datat 17-18 nëntor. Pamja më e mirë është pas mesnate, nëse qielli është i pastër e pa re./Opinion.al
