Besohet se parfumi që ju përfaqëson më mirë është ai, molekulat e së cilit përputhen me atë të lëkurën suaj!
Kjo shpjegon dhe dëshirën tuaj për të përdorur një parfum. Nëse ende i ndërroni parfumet kjo tregon që nuk e keni gjetur aromën tuaj.
Gjithsesi kjo është gjysma e betejës, sepse pasi të jeni dashuruar me një aromë, do të donit që ajo të zgjaste në lëkurën tuaj përjetësisht.Kjo gjë është e pamundur, por këto këshilla do ju vijnë në ndihmë duke ju treguar truket që parfumi të zgjasë më tepër.
Lyhuni me parfum në pikat e pulsit
Vajrat e parfumit intesifikohen kur temperatura është më e lartë. Për këtë arsye ju duhet të aplikoni parfumin në pikat e ngrohta si kërthizë, pjesa e prapme e gjurit, prapa veshit, kyçet e duarve dhe pjesa e brendshme e bërrylave.
Mos harroni të hidratoni lëkurën
Parfumi zgjat më shumë kur lëkura hidratohet, prandaj vendoseni atë pasi të keni bërë dush , ose të keni aplikuar një krem pa aromë, ose të së njëjtës linjë të parfumit.
Flokë
Spërkatni pak parfum mbi krëhër e me të krihni flokët. Spërkatja direkt në flokë mund ti thajë këto të fundit.
