Drejtori i përgjithshëm i ALUIZN-it, Artan Lame është i ftuari i mbrëmjes në emisionin Opinion në TV Klan në lidhje me gjendjen e legalizimeve në Shqipëri.
Lame tha se pas një infiltrimi që kemi bërë, janë 320 mijë ndërtime pa leje që kanë hyrë në proces, pastaj ka edhe të tjera që nuk kanë hyrë.
Ai bëri me dije se sot jemi në shifrën e legalizimit 80 mijë, por sa kohë do kenë mbetur edhe 100 legalizime qytetarët do të ankohen.
Megjithatë, Opinion.al, ka përzgjedhur një pjesë të denoncimeve të bëra në faqen zyrtare, ku mes qindrave të tilla, janë shkëputur veçse një numër i vogël prej tyre.
Ë.M
Ky zotëria banon në një pallat që asnjëri s’ka marrë hipotekat. Ndër të tjera, ky pallat ka dalë jashtë projektit se ka qenë për 11 kate është 13.
S.C
Në Berat po bëhet name, po legalizojnë dhe ato ndërtesa që kanë nxjerrë ballkonet dy metra në rrugë.
P.M
Jam një banor i qytetit të Lacit. I kam bërë kërkesë INUK-ut dhe rrethit të Kurbinit dhe të Tiranës për zaptimin e truallit dhe ndërtimit të paleje dhe asnjëherë nuk është marrë masë dhe mbi të gjitha vjen aulizmi dhe bënë matje. Ndërtimi ndodhet afër Komisariatit të Kurbinit.
A.M
Në Lezhë është tmerr ka 3 herë që na kthejnë letrat me justifikimin se nuk ka adresë të saktë zona,ndërkohë që lekët i kemi paguar, dhe atë inxhinierin për zonat informale a duhet t’a vendosë në dispozicion, veç sorollatje si para 2013 kanë bërë edhe këta.
D.LL
Thuaj atij zotërisë se në rrugën transballkanike në fazën e 2-të banorët janë nxjerrë nga shtëpitë dhe nuk janë shpërblyer ende. Ky është turp i partisë Rama.
B.L
Jam një qytetar që kam legalizuar një godinë që në vitin 2013. Kam paguar të gjitha tarifat dhe akoma ZRPP Shkodër nuk e ka regjistruar pasi e ka kthyer disa herë te ALUIZNI Shkodër. Ka 3 muaj që ZRPP i është drejtuar ALUIZNIT me shkresë zyrtare për një sqarim në lidhje me legalizim por ky i fundit nuk ka kthyer përgjigje. U bënë 3 vite që unë sillem sa nga ZRPP tek ALUIZNI dhe akoma nuk ka përfunduar. Të lutem a mund të më drejtosh si të veproj.
L.T
Jam një qytetare që kam pasur një shtëpi në Sr. Këtë shtëpi e kisha të legalizuar me aluizëm dhe me të gjitha procedurat e paguara. Pas 2 vitesh bashkia vjen dhe ma prish sepse e kapi rruga. Dhe deri më sot po bëj 2 vjet sorollatje dhe nuk di kujt ti drejtohem për dëmshpërblimim e kësaj shtëpie. Cfarë prgj mund të më japë zoteria ? Kujt ti drejtohem për të drejtën time?
