Apple ka folur me shumë entuziazëm për projektin e tij më të fundit prej muajsh tashmë. Bëhet fjalë për një altoparlant ëireless që aktivizohet nëpërmjet Sirit. Ky produkt do të hidhet në treg në datën 9 shkurt dhe mund të porositet që në datën 16 janar në Angli, Shtetet e Bashkuara dhe Australi.
Funksioni kryesor i Apple HomePod është lëshimi i muzikës. Nëse keni një abonim Apple Music, Siri do të gjejë muzikën që dëshironi dh eta shtojë te lista e preferencave tuaja.
Ky produkt ka 6 mikrofona, që do të thotë se mund t’ju dëgjojë kur thoni “Hey Siri” nga larg, madje edhe kur po luhet muzikë. Aplle HomePod ka formë cilindrike; është rreth 20 cm i gjatë dhei mbështjellë me një copë rrjete. Është i pajisur me njohje hapsinore, që do të thotë mund ta kuptojë vendndodhjen e tij dhe të rregullojë audion.
Përveç lëshimit të këngëve, Siri mund t’ju informojë edhe për artistët dhe për këngët që po luhen. Mjafton ta pyesni dhe Siri do ta bëjë këtë gjë për ju.
Por jo vetëm kaq.
ApplePod-in mund ta lidhni me celularin tuaj iOS dhe ta përdorni si altoparlant gjatë telefonatave. Siri mund të dërgojë edhe mesazhe, të vendosi orën e zgjimit, t’ju lexojë lajmet e përditshme, t’ju informojë mbi trafikun dhe motin.
HomePod-i do të kushtojë $349, që do të thotë $50 më lirë se Google Home Max, por $250 më shtrenjt se Amazon Echo./Opinion.al
