20 vite pas vdekjes së parakohshme të Lady Dianës, ende mësojmë fakte që nuk i dinim për princeshën e Uellsit. Këto fakte shpesh janë edhe të errëta. Pjesa më e madhe e asaj që dimë për jetën personale të Dianës janë nga audiokasetat që ajo regjistroi vetë. Sapo e kuptoi se martesa e saj me Princin Charles ishte drejt fundit, ajo e dokumentonte anën e saj të historisë në një regjistrues. Ajo ia dha kasetat shokut të saj të ngushtë Dr, James Colthurst. Ky i fundit ia dha gazetarit Andrew Morton, kështu që fjalët e saj mund të bëheshin publike. Nga këto kaseta, Mortoni publikoi biografinë ‘Diana: Historia e saj e vërtetë’ me fjalët e saj në vitin 1992. Askush nuk e dinte se Diana kishte një dorë në botimin e librit deri pas vdekjes së saj.
Këtu janë disa fakte më të habitshme që ndoshta nuk dinit për Princeshën Diana
- Para se Diana dhe Charles të njiheshin, ai ka ka qenë i lidhur me motrën e saj, Sarah. Më pas ajo prezantoi Dianën me princin Charles dhe kështu ajo tashmë e quan veten pjesë të kësaj arritjeje.
- Mbretëresha Elizabeth dhe gjyshja e Dianës, Ruth Fermony, kanë qenë mikesha. Në fakt gjyshja e Dianës gjithashtu ka punuar për mbretëreshën si një nga zonjat e saj të besuara.
- Princesha Diana dhe princi Charles janë kushërinj të largët. Për ta saktësuar, ata ishin kushërinj të 16-të.
- Në regjistrimet e kasetave, Princesha Diana diskutoi në hollësi martesën e saj. Madje e quante ditën e saj të dasmës “dita më e keqe e jetës”. Në mënyrë të veçantë, ajo fliste gjerësisht për mungesën e një jete seksuale. Diana shprehej se burri i saj ishte “shumë i çuditshëm”.
- Ditën e dasmës ajo ka ngatërruar fjalët e betimeve dhe ndoshta kjo ka qenë shenja e parë që kjo martesë nuk do të shkonte mirë. Njerëzit e pranishëm zotohen, që dëgjuan se ajo e quajti burrin e saj “Philip Charles” në vend të “Charles Philip”, duke përzier emrat e tij të parë dhe të mesëm.
