Kantautori Florian Mumajesi ka postuar disa orë më parë një këngë, të krijuar nga vetë ai dhe që interpretohet nga artisti numër një i skenës shqiptare, Ardit Gjebrea. Projekti “Bota ime” është krijuar nga Mumajesi vite më parë, kur ishte një nga bashkëpunëtorët e ngushtë të Gjebreas:
“Shumë nga ju nuk e dini se kjo këngë është krijuar nga unë, jam i sigurt që ka dhe shumë këngë të tjera të cilat mund ti keni dëgjuar dhe pse jo pëlqyer por pa e ditur se kush i ka krijuar… Vargjet Dr Florit dhe interpretimi i mjeshtrit Ardit Gjebrea ma bën mishin kokërr këtë mesnate dhe vendosa ta ndaj me ju një nga bashkëpunimet tona të hershme”, shkruan Mumajesi në profilin e tij në Facebook.
