Ish-kryetarja e Kuvendit dhe një nga figurat më të vjetra të PD-së, Jozefina Topalli duket se nuk e mbështet plotësisht Lulzim Bashën në nismën e tij për qeveri teknike aq më pak për një koalicion të mundshëm me LSI-në. “Gjatë këtyre tre viteve unë kam qenë gjithnjë kundër një ndarjeje mes PS dhe LSI apo afrim me PD”, tha ajo. Në pushtet nuk vihet vetëm se duhet rrotacioni, por duhet të sjellësh diçka të re, vijoi Topalli, e ftuar në emisionin e mëngjesit në News 24.
Topalli u pyet drejtpërdrejt nga studentët në studio për marrëdhënien me Bashën dhe la qartësisht të kuptueshme se mes tyre ka dallime të mëdha për mënyrën se si duhet drejtuar PD-ja. “Kam shkuar shumë shumë mirë me Sali Berishën dhe lidershipi i ri ka ndryshim shumë të madh”, tha ajo.
Pjesë nga biseda
Pse nuk ishit në protestën e PD
Topalli: Unë kam qenë në Bruksel ditën e parë. Për Shqipërinë nuk ka asnjë tavolinë më të rëndësishme sesa NATO. Është e vetmja aleancë në të cilën ne jemi anëtarë. Ne nuk jemi anëtar të BE-së, jemi anëtar të NATO-s. Të jesh aty bashkë me kokat e vendeve të NATO-s është një privilegj dhe fat i madh për Shqipërinë. Më erdhi keq që nuk isha në protestën e 18 Shkurtit, pasi ishte e përmasave të mëdha.
Si iu duket Basha si kryetar?
Topalli: Ai është në krye të PD-së dhe e kanë zgjedhur.
Çfarë po bën mirë Basha?
Topalli: Unë do kisha dashur të ishin bërë më shumë protesta sepse ka pasur 1 mijë aryse për tiu përgjigjur qytetarëve.
Ka një perceptim që nuk jeni përkrah Bashës?
Topalli: Unë jam përkrah Partisë Demokratike.
U mor mendimi juaj kur u vendos Voltana Ademi në krye të Bashkisë?
Topalli: Pavarësisht, unë e kam mbështetur në fushatën elektorale.
Cili është komunikimi me Bashën?
Topalli: Nuk është kurrë ai komunikim që kam pasur me zotin Berisha.
Do vijë PD në pushtet?
Topalli: Kështu siç është nuk vazhdohet më (me këtë qeveri).
Po qeveria teknike është zgjidhja e duhur?
Topalli: Nuk është se PD e ka qëllim në vetëvete, është instrument për të ndryshuar situatën në vendin tonë. Të gjitha analizat e mia, angazhimet e mia i kam në raport me vendin. Forcat politike janë instrumenti.
Po sa i përket koalicioneve?
Topalli: Unë kam qenë përherë kundër kur është diskutuar që të ndahen këto dy forca politike (PS-LSI). Kjo është jo politike, më pak e ndershme dhe jo në funksion për të ndryshuar për mirë vendin. Nuk besoj se do vijmë në pushtet për të qenë në pushtet por për të bërë diçka më mirë.
/Opinion.al
