“Do të ndalojmë të gjitha pijet alkoolike që tregtohen përreth njësive tregtare në afërsi të shkollave, si dhe nuk do të lejojmë asnjë pikë ambulante. Kemi pasur eksperiencë që këto janë vendgrumbullime të personave me precedencë kriminale, me tendenca armëmbajtje pa leje, përdorim narkotike, apo edhe tregtimin e tyre”. Kështu u shpreh sot Dimitraq Ziu, zv/drejtor i Policisë së Tiranës.
Ai ishte thirrur nga Prefekti i Tiranës, Sadi Vorpsi në një takim drejtues të policisë së kryeqytetit për marrjen e masave për nisjen e vitit të ri shkollor.
“Ankthi i çdo qytetari, prindi, këto ditë është trafiku i rënduar, i cili shpesh bëhet shkak për vonesa”, tha Prefekti Vorpsi. Ai kërkoi që të normalizohet trafiku, dhe të furnizohen normalisht me ujë dhe drita të gjitha shkolla e kopështet e Tiranës.
