Ngjyrën e syve, në rend të parë, e përcakton sasia e shpërndarjes së pigmentit të melaninës, ndërkaq që nga lashtësia ngjyra e syve lidhet edhe me personalitetin
Edhe pse në të vërtetë nuk ekzistojnë sy të zinj, disa sy kanë ngjyrë të errët të gështenjtë andaj lënë përshtypjen që janë të zinj dhe janë shumë të rrallë.
Sytë e kaltër – Ngjyra e kaltër e syve është intensive dhe lidhet me qiellin, energjinë, fuqinë energjike dhe me mendimet racionale, transmeton “Telegrafi”.
Sytë gështenjë – Ngjyra e gështenjtë është e fortë dhe e pasur e cila lidhet me energjinë e tokës, kreativitetin, këmbëngulësinë dhe pëlleshmërinë.
Sytë e hirtë – Ngjyra e hirtë është goxha e rrallë, ndërkaq ajo simbolizon mençurinë dhe karakterin e fortë.
Sytë e gjelbër – Ngjyra e gjelbër simbolizon karizmin, inovacionin, rininë dhe shëndetin.
Sytë ngjyrë lajthie – Kjo ngjyrë goxha e rrallë e syve është kombinim i toneve të kaltra, të gështenjta dhe të gjelbra, ndërkaq simbolizon forcën dhe trimërinë. Njerëzit me sy ngjyrë lajthie shpesh përshkruhen si të patrembshëm dhe të gatshëm për sfida jetësore.
