Sot ka mbërritur në Tiranë misioni i OSBE/ODIHR i cili do të monitorojë zgjedhjet e 18 qershorit. Delegacioni kryesohet nga ambasadori Peter Tejler, i cili në një deklaratë për mediat nuk pranoi të komentojë bojkotin e opozitës.
“Vendimi per te garuar eshte vendimi politik dhe te gjitha partite jane interlokutor ne zgjedhje por ne ketu jemi per te monitoruar zgjedhjet. Ne nuk mund te flasim nese qendrimi i opozites eshte i drejte ose jo. Misioni yne eshte per te vezhguar, dhe jo per te bere vleresime”, deklaroi Tejler.
Peter Teljer prezantoi rolin dhe misionin e Vëzhguesve të Zgjedhjeve.
“Misioni i vëzhguesve do raportojë pas ditës së zgjedhjeve për ecurinë e procesit. E dimë që ky proces po kontestohet nga disa parti parlamentare, por detyra jonë është transparenca. Synojmë të jemi të hapur me median por asnjë media të mos synojë të na marrë komente në lidhje me atë cfarë është deklaruar nga këto parti dhe sic e thashë ne do i referohemi procesit, tërësisht atij dhe jo garës mes partive të ndryshme politike”, vijoi ai.
Lidhur me selinë e OSBE në Tiranë, ai tha: Jemi e njëjta organizatë, por kemi mënyrat tona të pavarura për të vepruar, jemi tërësisht të pavarur nga institucionet e tjera të OSBE”, tha shefi i misionit të vëzhguesve. /Opinion.al
