Duke u përpjekur për të luftuar bulizmin, ofendimet dhe fjalët e pahijshme në rrjetet sociale, familja mbretërore ka publikuar disa rregulla për ndjekësit që ndërveprojnë me ta në profilet e tyre zyrtare në Twitter dhe Instagram.
Sipas këtyre rregullave komentet nuk mund të:
Përmbajnë fjalë fyese, ofendime, kërcënime, janë abuzive, shfaqin urrejtje, promovojnë dhunën apo ngacmimet seksuale.
Promovojnë diskriminimin, bazuar në racën, gjininë, fenë, nacionalitetin, paaftësinë, orientimin seksual ose moshën.
Thyerjen e kushteve dhe rregullave të mediave sociale.
Komente të pakuptueshme ose që nuk lidhen me temën.
Përmbajnë reklama ose shërbime promocioni.
Por çfarë ndodh kur thyehen këto rregulla
Familja mbretërore ka të drejtën të fshijë apo fshehë komentet, të bllokojë komentuesit, si dhe t’jua dërgojë ato autoriteteve të investigimit. Kjo masë u ndërmor pas ankesave për komentet ofenduese mes fansave të dy dukeshave, Kate dhe Meghan.
Kujtojmë se në dhjetor të vitit që lamë pas, një burim shumë pranë familjes mbretërore tha për “The Sun” se “lufta e ftohtë” mes dukeshave, është nxitur nga mediat online. Sipas burimit fakti që njerëzit i vënë gjithmonë në garë me njëra tjetrën, dhe i komentojnë vazhdimisht si rivale të zotuara, ka ndikuar në psikologjinë e tyre, ndaj asnjëra se sheh dot tjetrën me pozitivitet./E.M
