Ngjarja e rëndë e 4 Tetorit, me 1 të vrarë e 2 të plagosur, në zonën e Bllokut përfshiu dhe këngëtaren e njohur Elvana Gjata dhe të fejuarin e saj Ervin Matën.
Vrasja në Tiranë ndodhi më datë 4 tetor rreth orës 21:50. Ku pas përplasjes me armë mes dy grupeve mbeti i vrarë shtetasi Fabjol Gaxha dhe të plagosur, Ervis Martinaj dhe Eljo Hoti. Për ngjarjen në fjalë është u shpallën tre persona në kërkim, mes tyre Ervin Mata, i dashuri i këngëtares Elvana Gjata.
Fill pas ngjarjes Elvana zgjodhi të largohej nga Shqipëria. Por një lumë komentesh fyese kanë vërshuar në llogarinë e rrjetit social “Instagram” të saj. Të shumtë ishin ata që e quanin shkakun e vrasjes së mbrëmjes së 4 tetorit në zonën e “Ish Bllokut” në Tiranë.
Në këtë situatë, këngëtarja vendosi të bllokojë të gjitha komentet në fotografinë e fundit të postuar në Instagram. Ku ndaj saj lexoheshin shumë komente fyese, ku ndër të tjera e kanë qujtur edhe “vrasëse”.
Pas këtij veprimi, Elvana u zhduk plotësisht nga rrjetet sociale derisa një dite ajo i bëri follow në “Instagram” deputetit të PS-së, Jurgis Çyrbja. Ky i fundit akuzohet nga Partia Demokratike si anëtar i bandës së Emiljano Shullazit. Madje PD ka kërkuar nga Prokuroria edhe arrestimin e tij.
Pas këtij veprimi të Gjatës, të gjithë menduam se u rikthye në rrjetet sociale. Në fakt ndodhi e kundërta, pasi ky veprim shkaktoi një valë reagimesh ndër ndjekësit e saj dhe mediat rozë.
Jo shumë orë më vonë Instagrami i Elvanës u mbyll dhe të gjithë aluduam se ajo e kishte mbyllur vetë atë pas reagimeve të shumta që ngjalli follow që ajo i bëri deputetit të PS.
Por sërish për habinë e të gjithëve, Elvana iu rikthye Instagramit duke hequr disa persona nga lista e followersave, përfshirë këtu deputetin e PS. Kjo na shtyn të mendojmë që llogaria e Gjatës u hakua. Apo mos vallë Elvana është e pavendosur dhe nuk di as vetë ç’të bëjë? /Opinion. al
