Gazetari Artan Hoxha është përballur me tre prokurorë sapo ka dalë në oborrin e Tv Klan në përfundim të emisionit Opinion mbrëmjen e së enjtes. Të pranishëm aty kanë qenë edhe drejtuesi i emisionit “Opinion” dhe portalit Opinion.al, Blendi Fevziu si dhe analisti Artan Hoxha.
Janë 4 video ekskluzive që disponon Opinion.al që tregojnë gjithë ngjarjen që nga shoqërimi i gazetarit Hoxha e deri tek lirimi i tij rreth orës 03:00 pas mesnate.
Në videon e parë, shihen 3 prokurorët që i kërkojnë Hoxhës të shkojë me ta në Prokurorinë e Krimeve të Rënda.
Oficeri i policisë gjyqësore: Është nxjerrje sekreti, do të japësh një deklarim
Gazetari Artan Hoxha: Po s’pret puna deri nesër
Oficeri: Jo spret, 5 minuta punë është, procedurë.
Gazetari: E di sa zgjasin procedurat, jam bërë i vjetër në këtë punë
Fevizu: Po si hytë në Klan ju
Oficeri: Kemi urdhërin
Gazetari: Me çfarë do të lëvizim
Oficeri: Si të duash, mund të vish me mjetet tona
Fevizu: Jo se e shoqëroj unë
Në videon e dytë, gazetari Blendi Fevziu pyet gazetarin Artan Hoxha në makinë se për çfarë duan të shoqërojnë në prokurori.
Gazetari Hoxha: Pres të shoh çfarë do të më thonë, por në momentin e parë, ata thanë se “kemi një urdhër të paraqitesh për të bërë një deklarim, për të marrë në pyetje sepse dyshojmë për nxjerrej të sekretit hetimor.
Fevizu: Je me shofer të sigurt dhe me bodyguard…
Në këtë video shihet qartë se Blendi Fevziu si drejtues mjeti dhe Artan Hoxha (analisti) në vendin e parë shoqërojnë gazetarin deri tek dera e prokurorisë.
Në videon e tretë, Artan Hoxha zbret nga makina ku e presin oficerët e policisë gjyqësore dhe ndërkohë njofton edhe familjen duke u përpjekur ti qetësojë se ka vetëm gjysëm ore punë tek prokuroria e krimeve të rënda.
Ndërsa Fevziu dhe Hoxha përpiqen të shtensionojnë situatën…. Në një moment dëgjohet analisti Hoxha që i thotë adashit të tij, gazetarit Hoxha: Shiko ku ka arrit puna, ke Fevzon, kameran dhe shofer…
Nga ana tjetër, Fevziu i thotë gazetarit se po pres teefonatën e tij që të shkojë ta marrë.
Në videon e katër është momenti kur Artan Hoxha del nga prokuroria ku ka qendruar nga ora 23:30 deri në orën 02:50.
Gazetari tregon se ka nisur një hetim ndaj tij dhe në dorë mban një vendim. “Është vendimi i sekuestros së aparateve celularë dhe kartave SIM, personale”, tha Hoxha.
Shoqërimi në prokurori i gazetarit u bë pasi prokuroria dyshon se ka nxjerrë sekretin hetimor në lidhje me hetimet që po bëhen për pilotin italian, Guido Guidi i cili ra me avionin e tij, dje në Ishëm. Piloti ka pranuar të bashkëpunojë me prokurorinë ku ka treguar se kishte ardhur të testonte pistën dhe në vazhdim do të transportonte kanabis nga Shqipëria në Itali. Ai mësohet se ka treguar edhe emrat e bashkëpunëtorëve.
Bashkëngjitur 4 video:
