Fushata duket se ka nxitur një gjuhë ndryshe mes dy liderëve kundërshtarë Edi Ramës dhe Lulzim Bashë. Disa fjalë të pa thëna më parë dhe batua me shumicë kanë shkëmbyer ata gjatë kësaj kohe me njëri tjetrin në largësi, nëpërmjet rrjeteve sociale apo mediave.
Gjatë fjalimeve publike me elektoratin Edi Rama ka përmendur disa fraza të cilat nuk i kishte përmendur më parë, ose të paktën përpara se të takonte Bashën për marrëveshjen mes PD dhe PS për qeverinë teknike. Deklaratat e Ramës ndonëse ironike duket sikur kanë mesazhe edhe më të thella. Opinion.al ju sjell një përmbledhje me batuta të cilat mund t’ju kenë shpëtuar në daljet e tyre.
Kohë më parë gjatë takimit me gratë dhe vajzat në Elbasan kryeministri Rama është shprehur që “me opozitën nuk kemi dashur dhe nuk duam marrëdhënie të këqija”.
Po ashtu dje ai u ka thënë grave dhe vajzave të Mirditës që të votojnë për Partinë Socialiste, dhe ti bindin edhe burrat e tyre të votojnë po ashtu për PS-në: “Thojuni burrave lëreni Lulin, nuk e duan burrat tuaj Lulin më shumë se sa unë”, deklaroi Rama dje.
Ndërsa në takimet e sotme Rama është shprehur se “Ne duhet që të bëjmë një shtet, që të gjithë çfarë janë fqinjët tanë të na shikojnë me respekt dhe jo sikur jemi ne të dorës së dytë. Dhe mbas zgjedhjeve, se kjo është marrëveshja që kemi bërë. Se thonë çfarë marrëveshje? Kjo është marrëveshja të dyja palët si qeveria dhe opozita do të luftojnë që ta çojmë flamurin kuq e zi në oborrin e BE” tha Rama.
Po ashtu kryeministri Rama ka hedhur sot një foto ngacmuese me dy gishta në facebook, ai treguar se perse ka zgjedhur simbolin e dy gishtave për zgjedhjet e 25 qershorit. Një simbol i tille është identifikues për Partine Demokratike, por Rama e lidh këtë edhe me nr. 2 ne fletën e votimit. Duke iu përgjigjur komenteve ne FB, Rama sqaron qytetaret pse kjo zgjidhje.
Qytetari: Do i besh lëmsh shqiptaret me këtë nr 2 sepse historikisht numri 2 dhe shenja me 2 gishta qe ke nxjerr ne foto këto janë simbole të Partisë Demokratike. nuk gjeje dot na një numër tjetër mer vlla
Rama: Është numri i Partisë Socialiste në fletën e votimit dhe demokratet qe duan ta çojme flamurin kuqezi ne oborrin e Bashkimit Europian do te votojnë numrin 2.
Nga ana tjetër Lulzim Basha ka vazhduar me batua pikante gjatë takimeve të tij me elektoratin e PD-së.
Dje ai ka deklaruar se “ne 25 qershor ka ardhur koha të thajmë moçalin e Republikës së Vjetër ku prej 25 vjetësh guasin të njëjtat bretkosa”.
Po ashtu një tjetër gjë që nuk ishte vënë re më parë është se Basha i ka etiketuar një status Ramës në Facebook. Kryetari i Partisë Demokratike Lulzim Basha i ka drejtuar Kryeministrit Edi Rama sërish thirrjen për t’u ballafaquar të dy në një debat televiziv për fushatën elektorale. Basha i ka bërë Ramës “tagg” në Facebook duke i kërkuar që të mos ketë frikë dhe të pranojë debatin televiziv.
Ndërsa sot sërish Basha ka vazhduar duke ironizuar kreun e PS, ai tha se: “I jep Edi Ramës një makinë dhe ta çon në servisë, e lyen me bojë dhe ta sjell, pa ja rregulluar motorrin. O Edi po është prish motori, -merre merre s’ka gjë të thotë”, është shprehur Basha.
Një tjetër batutë që bëri të pranishmit të qeshnin në Shkodër ishte kur Basha foli për veshjen e Ramës: “Nga mëngjesi deri në darkë ai merret me karikatura. E nisi me të pasmet e elefantit. E ka për borxhe që të thotë çdo gjë madje dhe të veshë çdo gjë që të mos u përgjigjet pyetje tuaja, çitjanet i vesh që ne të merremi me çitjanet e Edi Ramës. Dhe jo me llogaritë që ka për të dhënë Edi Rama”.
Ata janë kundërshtarë politikë, por një gjë është e sigurt që me këtë gjuhë nuk kanë folur asnjëherë më parë. G.Z/opinion.al
