Nëse jeni duke u përpjekur të humbni peshë, ndoshta jeni duke u përqëndruar në atë që hani, në vend të faktit se ku dhe si hani. Por sipas një studimi të ri të Universitetit Shtetëror të Ohajos, struktura e ushqimeve tuaja mund të jetë edhe më e rëndësishme se sa shpesh i hani ato. Pas vëzhgimit të më shumë se 12,800 banorëve të Ohajos, të cilët raportuan se kishin ngrënë të paktën një vakt familjar javën para intervistës së tyre, studiuesit zbuluan se njerëzit që kurrë nuk panë televizor apo video gjatë ngrënies, kishin 37% më pak shanse për obezitet, krahasuar me njerëzit që gjithmonë qëndruan të ngjitur pranë ekraneve të tyre gjatë vaktit.
Për më tepër, njerëzit të cilët gjithnjë gatuanin ushqimet e tyre në shtëpi kishin një rrezik 26% më të ulët për obezitet se njerëzit të cilët hanin vetëm disa ose aspak ushqim të gatuar në shtëpi. Ata që gjithmonë kishin gatuar në shtëpi dhe nuk hëngrën kurrë ushqimin e tyre pranë ekraneve të tyre të zhurmshme kishin një rrezik 47% më të ulët të obezitetit. Pra, mendoni për vaktin tuaj në vend të televizorit, thonë studiuesit.
Sa më shumë që i kushtoni vëmendje ushqimit tuaj sidomos gjatë vaktit kryesor të darkës, aq më pak gjasa ka që ju të shtoni në peshë dhe të rrezikoni të bëheni obezë, mëngjes pas mëngjesi.
