Princ Harry dhe e fejuara e tij njihen për fushatat e palodhshme të bamirësisë. Besohet se çifti mbretëror do të hapë një fondacion martese, që të ftuarit të mund të bëjnë donacione në vend të dhuratave ekstravagante e të shtrenjta.
Duket se Harry dhe Markle po ecin në hapat e Dukës dhe Dukeshës së Kembrixhit të cilët gjithashtu hapën një fondacion bamirësie për dasmën e tyre mbretërore në vitin 2011. Fondacioni mblodhi mbi 1 milion paund për 26 eventet e bamirësisë që zgjodhën William dhe Kate.
Sipas një burimi nga familja mbretërore, Princ Harry nuk dëshiron dhurata të shtrenjta. Në vend të kësaj ai do që miqtë e tij të mbështesin punën e bamirësisë që ai bën.
Ish aktorja Meghan Markle ka qenë ambasadore globale e World Vision dhe një mbështetëse e flaktë e Kombeve të Bashkuara përpara fejesës me 33 vjeçarin e familjes mbretërore. Nga ana tjetër Princi ka qenë bashkëpunëtor i shumë bamirësive me William dhe Kate.
Çifti mbretëror do të martohet në 19 maj në prani të 800 të ftuarve në Kishën e Shën Gjergjit, në Kështjellën Windsor./Opinion.al
