Një studim i kryer nga Universiteti shtetëror Illinois që ndërlidhej me reagimet emocionale për humbjen e virgjërisë, ka sjellë disa përfundime interesante.
Studiuesit kanë studiuar përgjigjet e pyetësorit të mbushur nga 5,769 studentë të universitetit nga viti 1990 e deri në vitin 2012. Rezultatet me të vërtetë që janë të mahnitshme!
Për meshkujt dhe femrat, humbja e virgjërisë sot është përvojë e kënaqshme dhe shumë më komode në krahasim me dy dekadat e kaluara. Studimi ishte kryer për të parë më hollësisht se cilat ishin eksperiencat e meshkujve dhe femrave kur ishte fjala për humbjen e virgjërisë.
Zbulimi kishte treguar se meshkujt e shijojnë seksin më shumë dhe janë më pak të shqetësuar, kurse gratë priren të pendohen pas aktit. Sidoqoftë, diferenca më e madhe qëndron në sasinë e kënaqësisë.
Tek meshkujt, nervoza ishte zvogëluar gjatë këtyre tri dekadave, ndërsa tek gratë, kënaqësia ishte rritur dhe ishte zvogëluar ndjenja e fajit apo pendimit. Kjo ndjenjë e fajit apo pendimit thuhet se është zvogëluar për shkak se janë zvogëluar edhe kufizimet shoqërore në seksualitetin e grave.
Ndër arsyet se përse përvoja e parë seksuale sot është më komode sesa dy dekada më herët, është fakti se fëmijët e sotëm janë shumë më të mençur dhe më të informuar. Sidoqoftë, pavarësisht këtyre ndryshimeve që kanë ndodh viteve të fundit, përvoja e parë seksuale ende mbetet më e kënaqshme për meshkujt sesa për gratë.
