Ja 5 rastet e parashikimeve të Nostradamusit që u vërtetuan nga historia

Ai shkroi librin e parë të tij të titulluar “Les Propheties” më 1555, dhe shtëpitë e ndryshme botuese ende lëshojnë kopje të këtij libri.
Në tekstin e librit të tij, në secilën strofë dhe rresht, ai tentoi që ta parashikojë të ardhmen, transmeton lajmi.net.
Përderisa logjika mund të sugjerojë se pretendimet e Nostradamus mund të realizohen në çdo rast, disa prej tyre u realizuan shumë kohë më parë.
Në këto pesë raste, Nostradamus nuk gaboi thuajse asnje presje.
1. Zjarri i madh i Londrës
Parashikimi:
“Gjaku i të drejtit do të mungojë në Londër, do të digjet në zjarrin e 66’të: Zonja e lashtë do të rrëzohet nga vendi i saj i lartë, shumë nga të njëjtit sekt do të vriten”.
Çfarë ndodhi:
Më 2 shtator, 1666, një zjarr i vogël në furrën e Thomas Farriner në Pudding Lane në Londër bëri që qyteti i tërë të kthehej në një zjarr tre-ditor. Kjo ngjarje u bë e njohur si “zjarri i madh i Londrës”. Në atë kohë nuk u regjistrua për vdekje të ndonjë fshatari, por shumë historianë pretendojnë se të paktën tetë persona kishin vdekur nga flakët. Mijëra shtëpi dhe biznese ishin djegur gjithashtu.
2. Revolucioni Francez
Parashikimi:
“Këngë, fraza dhe kërkesa do të vijnë nga të robëruarit, të mbajtur peng në burgje nga fisnikëria. Në një datë të mëvonshme, idiotët pa tru do t’i marrin këto si shprehje hyjnore”.
Çfarë ndodhi:
Në vitin 1789, populli francez vendosi se ishte bërë mjaft me sundimin aristokrat. Ata u revoltuan, bënë ndërhyrjen në Bastille, një fortesë në Paris që përdorej si burg. Rënia e Bastille, që simbolizonte abuzimet e monarkisë, shënoi kulmin e Revolucionit Francez. Fshatarët morën shpejtë kontrollin e Parisit dhe zbatuan kërkesat e tyre duke i grabitur anëtarët e familjes mbretërore. Disave prej tyre ua prenë edhe kokat.
3. Terrori i Hitlerit në Evropë
Parashikimi:
“Nga thellësitë e Evropës Perëndimore, një fëmijë do të lind nga njerëzit e varfër, i cili me gjuhën e tij do të josh një grup të madh të njerëzve; Fama e tij do të rritet në drejtim të sferës së Lindjes, dhe bishat e egra me uri do t’i kalojnë lumenjtë. Pjesa më e madhe e betejës do të jetë kundër Hister. I madhi do të bie në një kafaz hekuri, derisa fëmija i Gjermanisë ta vërejë”.
Çfarë ndodhi:
Hitleri – i cili lindi nga prindërit e varfër më 1889 në Evropën Perëndimore – përdori aftësitë e tij oratorike për të mobilizuar partinë naziste në Gjermani në vitet në vijim të Luftës së Parë. Gjermania, si pjesë e fuqive të “Boshtit”, bëri aleancë me Japoninë në Lindje. Ndërsa shumë besojnë se “Hister” është një emër i vjetër për lumin Danub. Hitleri kishte lindur vetëm disa milje larg atij lumi në atë që njihej atëherë si Austria-Hungaria, e njohur gjithashtu edhe si “Monarkia e Danubit”. Mos harroni, Nostradamus përdori shumë shpesh anagramë të tillë si “Hister” në shkrimet e tij.
4. Bomba atomike
Parashikimi:
“Shigjeta qiellore me shtrirje në kursin e saj, vdekja në fjalë: një arritje e madhe. Kombi krenar do të sillet poshtë nga guri në pemë. Zëra për një qenie monstruoze, që sjellë spastrim dhe pastaj shlyerje”.
Çfarë ndodhi:
Në gusht të vitit 1945, SHBA lëshoi dy bomba atomike në Japoni, në Hiroshima dhe Nagasaki. Shumë historianë argumentojnë se tragjedia shënoi fundin e Luftës së Dytë Botërore. Ata që i shpëtuan këtij shpërthimi pësuan helmime të dhimbshme rrezatimi, dhe shumë të tjerë vdiqën. Një “gur në pemë” në shkrimin e Nostradamus është përshkruar reja në formë të kërpudhës që u shfaq atë ditë mbi qiellin e qyteteve. Kjo mund të nënkuptojë gjithashtu edhe një objekt, si një gur dhe një bombë, në mënyrë paradoksale shfaqet aty ku nuk duhet – një pemë ose qielli.
5. Vrasja e J.F. Kennedy
JFK
Parashikimi:
“Detyra e lashtë do të kompletohet. Nga lart, e keqja do të bie në një njeri të madh. Një i vdekur i pafajshëm do të akuzohet për veprën. Fajtori për këtë do të mbetet në mjegull”.
Çfarë ndodhi:
Vrasja e John Kennedy në vitin 1963 padyshim që erdhi “nga lart”. Plumbi hyri në kokën e tij nga një shkrepje në nivelin e çatisë. Një njeri u akuzua për krimin, Lee Harvey Oswald, i cili nuk jetoi për t’u përballur me gjyqin. Një pronar i një klub nate në Dallas e vrau atë ndërsa ishte në arrest policor. Oswald pretendoi vazhdimisht se ishte i pafajshëm. Edhe sot e kësaj dite nuk dihet se kush e vrau John Kennedy. Sipas një sondazhi të fundit të kryer nga Gallup, 61% e amerikanëve besojnë se ishte konspiracion. /lajmi.net