Misioni izraelit që do të dërgonte sondën Beresheet në sipërfaqen e Hënës humbi sinjalin në 150 metrat e fundit duke bërë të pamundur zbritjen e kontrolluar, Si pasojë, sonda precipitoi duke u shkatërruar tërësisht.
Pasi sonda kishte dërguar një fotografi që tregonte sa afër ndodhej, një selfi ku del në pah flamuri izraelit me shkrimin “Small country, big dreams”, diçka e papritur ndodhi, dhe misioi dështoi, gjithsesi udhëheqësit izraelitë nuk e quajnë këtë eksperiencë si fundi i eksplorimit të kozmosit nga Tel Avivi.
Kryeministri i sapo rizgjedhur, Benyamin Nethanyahu, komentoi ngjarjen duke inkurajuar investitorët dhe stafin shkencor:
“Në qoftë se herën e parë nuk e arrimë, do të provojmë sërish”, komentoi ai.
Misioni duhet të ulej në të njëjtin vend ku në 11 dhjetorin e 1972 ishte ulur sonda Apollo 17 e NASA, duke shënuar misionin e parë privat që zbriste në Hënë.
Sonda Beresheet ishte ndërtuar në Izrael nga kompania SpaceIL, një NGO që kishte përfituar rreth 100 milionë dollarë nga sipërmarrës, bota e kulturës dhe politikës izraelite, dhe jo vetëm./Opinion.al
