Qeveria izraelite paralajmëroi Hamasin që të pranonte propozimin amerikan për armëpushim dhe lirimin e pengjeve që mbante që nga sulmi i 7 tetorit 2023, ose në të kundërt do të përballej me forcat izraelite.
Megjithatë presidenti i SHBA-së Donald Trump siguroi se armëpushimi është “shumë afër”.
Izraeli po përballet me presion ndërkombëtar në rritje në lidhje me luftën e vazhdueshme në Rripin e Gazës dhe situatën humanitare në enklavën palestineze, ku një bllokadë prej më shumë se dy muajsh, ka shkaktuar mungesa të përhapura të ushqimit, ilaçeve dhe mallrave të tjera thelbësore.
Në mes të muajit, ushtria izraelite i përshkallëzoi operacionet e saj ushtarake edhe më tej, me qëllime të deklaruara publikisht për lirimin e pengjeve të mbetura dhe vënien nën “kontroll” të të gjithë enklavës palestineze dhe shkatërrimin e Hamasit, i cili mori pushtetin atje në vitin 2007.
