Mbrojtja Civile e Rripit të Gazës njoftoi sot vdekjen e 12 personave , përfshirë gra dhe fëmijë, në një sulm izraelit ndaj një shkolle ku familjet e zhvendosura ishin strehuar, në Khan Younis, në pjesën jugore të enklavës palestineze.
“Të paktën 12 persona, përfshirë shumë fëmijë dhe gra, u vranë në një sulm me dron izraelit këtë mëngjes ndaj një tendë për persona të zhvendosur pranë shkollës al-Hinawi, ku familjet e zhvendosura janë strehuar”, tha zëdhënësi i Mbrojtjes Civile, Mahmoud Bashal.
Katër persona të tjerë u vranë nga sulmet izraelite në zona të tjera të Gazës, shtoi ai. Ushtria izraelite nuk iu përgjigj menjëherë një kërkese të AFP-së për koment.
Dje, të martën, ushtria izraelite lëshoi fletëpalosje duke i paralajmëruar banorët e qytetit të evakuohen dhe të lëvizin drejt perëndimit, ndërsa forcat e saj do të kryejnë operacione kundër Hamasit dhe rebelëve të tjerë.
Më shumë se 54,510 palestinezë, shumica e tyre civilë, janë vrarë nga operacionet ushtarake izraelite që nga 7 tetori 2023 dhe sulmi i Hamasit ndaj Izraelit.
