Në Izrael po mbahen zgjedhjet e përgjithshme, të cilat janë të dytat në vetëm 5 muaj. Vendi po shkon sërish në zgjedhje pasi kryeministri Benjamin Netanyahu dështoi në formimin e koalicionit qeverisës, pas votimeve që u zhvilluan gjatë muajit prill.
Sondazhet e fundit nxorën partinë e tij Likud në konkurrencë të ngushtë me rivalen kryesore, Partinë Blu dhe Bardhë, të udhëhequr nga ish-shefi ushtarark, Benny Gantz.
Sondazhet sugjerojnë se asnjëra prej këtyre partive nuk do të ketë shumicë të qartë.
Bisedimet për formimin e koalicionit të ri pritet të nisin sa të përfundojnë votimet në orën 22:00 sipas orës lokale dhe të dalin rezultatet e para.
