Një raketë e nisur nga Florida, dhe që mban një sondë robotike të Izraelit, “Beresheet”, po provon të bëjë histori, si e para anije private që ulet në Hënë, dhe si e para nga shteti hebre.
Sonda e Izraelit, pritet të arrijë në Hënë pas gati dy muajsh. Zbarkimi është planifikuar për datën 11 Prill në Detin e Qetësisë. Beresheet peshon 585 kilogramë dhe kostoja e projektit është rreth 100 milionë Dollarë.
Nisja e saj u ndoq drejtpërdrejt në Izrael, nga kryeministri Benjamin Netanyahu që ndodhej në mesin e inxhinierëve të Qendrës së Kontrollit të Industrive izraelite Aerohapësinore.
Misioni pa ekuipazh është pjesë e një interesi global për Hënën, që ndonjëherë quhet edhe “kontinenti i 8 i Tokës” dhe vjen 50 vite pasi astronautët amerikanë shkelën të parët në sipërfaqen e saj.
Kujtojmë se Izraeli është i katërti shtet që prek hënën, pas SHBA-së, Rusisë dhe Kinës, ndërkohë që pritet të pasohet nga India në pranverë. /EM
