Avionët ushtarakë izraelitë kryen sulme ajrore në Rripin e Gazës si përgjigje ndaj një sulmi me raketë të shkrepur nga enklava palestineze e kontrolluar nga Hamasi, një grup militant islamik që kontrollon Gazën që prej vitit 2007.
Alarmi paralajmërues për fillimin e sulmeve u ndërpre përkohësisht nga një tubim i kryeministrit izraelit, Benjamin Netanyahu.T ë enjten, kryeministri do të përballet me rivalin e tij, Gideon Saar, në një votim për zgjedhjen e udhëheqjes së re të partisë Likud.
Më 10 shtator, kreu i partisë Likud, Benjamin Netanyanu ishte evakuuar gjithashtu nga një tubim zgjedhor në qytetin jugor të Ashdod pasi sinjalet e alarmit paralajmëruan për një sulm nga Gaza.
“Aeroplanët dhe helikopterët goditën disa objektiva terroriste të Hamasit në Rripin e Gazës”, -u shprehën zyrtarë të ushtrisë izraelite në një deklaratë.
Ushtria kishte njoftuar më herët se “një raketë u hodh nga Rripi i Gazës në drejtim të territorit të Izraelit”.
Javën e kaluar, dy sulme raketash u nisën kundër Izraelit nga Gaza pa shkaktuar dëme, tha ushtria e Izraelit. Si përgjigje, aeroplanët luftarakë izraelitë bombarduan dy herë caqet e Hamasit në Gaza.
Izraeli bën si përgjegjës lëvizjen islamike për të gjitha sulmet me raketa që vijnë nga Gaza, megjithëse shteti hebre gjithashtu shënjestron grupe të tjera të armatosura që veprojnë atje. Që prej vitit 2008, Izraeli ka zhvilluar tre luftëra kundër Hamasit dhe aleatëve të tij të armatosur në Gaza, ku dy milion palestinezë jetojnë mes dhunës, varfërisë dhe një bllokade 10-vjeçare izraelite.
