Të paktën 28 persona kanë humbur jetën dhe 50 të tjerë u plagosën si pasojë e një sulmi ajror izraelit në një shkollë që strehonte familjet e zhvendosura në qytetin Deri Al-Balah në Rripin e Gazës.
Ushtria izraelite deklaroi se sulmi “i saktë” kishte në shënjestër luftëtarët e Hamasit që vepronin brenda një “qendre komandimi dhe kontrolli” në shkollë.
Ajo gjithashtu shtoi se kishte ndërmarrë masa për të zbutur dëmin ndaj civilëve dhe akuzoi Hamasin se në mënyrë sistematike përdor strukturat civile për t’u fshehur.
Shumë shkolla janë kthyer në strehimore për 1.9 milionë palestinezë që kanë ikur nga shtëpitë e tyre që nga fillimi i luftës në Gaza një vit më pare.
Ushtria izraelite nisi një fushatë për të shkatërruar Hamasin në përgjigje të sulmit të paprecedentë të grupit në Izraelin jugor më 7 tetor 2023, në të cilin rreth 1200 njerëz u vranë dhe 251 të tjerë u morën peng.
