Dhjetëra mijëra njerëz kanë marshuar në solidaritet me grupet e rezistencës palestineze pas sulmeve të paprecedentë në vendbanimet dhe qytetet ilegale izraelite që kanë lënë qindra të vdekur dhe të plagosur.
Hamasi, i cili qeveris Gazën e rrethuar, tha se sulmi ishte nxitur nga sulmet e përshkallëzuara të Izraelit ndaj palestinezëve në Bregun Perëndimor të pushtuar, Jerusalemin e pushtuar dhe kundër palestinezëve në burgjet izraelite.
Izraeli ka nisur sulmet ajrore që kanë rezultuar në vrasjen e mbi 230 palestinezëve dhe u ka kërkuar banorëve të Gazës që të evakuohen menjëherë.
Në këto janë duke vijuar protestat e pandërprera:
Jemen
Mijëra jemenas marshojnë në kryeqytetin Sana në mbështetje të grupeve të rezistencës palestineze gjatë luftimeve me Izraelin.
Turqia
Në Stamboll, Ankara dhe qytete të tjera në Turqi, njerëzit demonstruan në solidaritet me palestinezët në Gaza dhe gjetkë mes luftimeve midis grupeve të rezistencës palestineze dhe forcave izraelite.
Gratë këndojnë në solidaritet me palestinezët gjatë një marshimi në mbështetje të Palestinës në Stamboll.
Iraku
Irakianët marshuan në kryeqytetin Bagdad në mbështetje të palestinezëve. Ata dogjën gjithashtu flamujt izraelitë dhe postera të kryeministrit izraelit Benjamin Netanyahu.
Irani
Iranianët u mblodhën në Teheran, duke mbajtur flamurin palestinez dhe fotografitë e komandantit të vrarë të Gardës Revolucionare Qasem Soleimani – i cili dyshohet se u vra nga Izraeli, për të treguar mbështetje për palestinezët.
Maroku
Në Marok, njerëzit ngritën flamuj palestinezë dhe pankarta që shkruanin “jo normalizim me izraelitët” gjatë një demonstrate për të treguar solidaritet me Palestinën.
Libani
Në Bejrut, Liban, njerëzit mbanin flamuj palestinezë dhe pankarta që shkruanin “rezistenca është mënyra e vetme për të çliruar xhaminë al-Aksa” për të treguar solidaritet me palestinezët.
Jordania
Jordanezët u mblodhën pranë ambasadës së Izraelit në kryeqytetin, Aman, për të shprehur solidaritetin me palestinezët, duke mbajtur flamuj dhe pankarta palestineze.
