Bota

Izrael/ Udhëheqësit u izoluan në bunker gjatë “stërvitjes” për mbrojtje nga COVID


Bëhu pjesë e Grupit Zyrtar të Opinion.al
>> KËTU <<
               Publikuar në : 17:02 - 11/11/21 |
Opi Nion

Kryeministri i Izraelit, Naftali Bennett dhe ndihmësit e tij të lartë u izoluan në një bunker lufte gjatë një stërvitjeje që simulonte një shpërthim të një varianti  vdekjeprurës COVID-19.

Zyra e kryeministrit tha se ushtrimi njëditor “Stërvitja Omega” u emërtua sipas një lloji fiktiv të virusit si një masë paraprake për të qenë të sigurt se Izraeli është i përgatitur për “çdo skenar”.

Bunkeri që i bën ballë edhe shpërthimit bërthamor është i vendosur në kodrat e kryeqytetit të Izraelit, Jerusalem.

I njohur si “Qendra Kombëtare e Menaxhimit”, bunkeri u përdor gjithashtu për të koordinuar masat kundër koronavirusit në fillim të pandemisë në mars të vitit 2020.

Izraeli ka marrë masa izolimi për të përballur disa valë të përhapjes së COVID-19, por ka mbajtur ekonominë dhe shkollat të hapura që kur u godit nga vala e katërt në muajin qershor.

Stërvitja përfshin udhëheqës civilë dhe ushtarakë të cilët i nënshtrohen testimit masiv, pranimeve në spital dhe shtetrrethimit, tha zyra e Bennett në një deklaratë.

Rezultatet e ushtrimit do të ndahen edhe me partnerët e huaj.

“Izraeli është i sigurt dhe i mbrojtur. Për të ruajtur këtë dhe vazhdimësinë e jetës normale, ne duhet të vazhdojmë të monitorojmë nga afër situatën dhe të përgatitemi për çdo skenar”, tha deklarata.

Në deklaratë nuk thuhej asgjë nëse Qeveria besonte se mund të ketë një lloj të ri vdekjeprurës të koronavirusit.

Bunkeri u ndërtua më shumë se një dekadë më parë për shkak të shqetësimit rreth programit bërthamor të Iranit dhe incidenteve me të raketa me Libanin dhe Rripin e Gazës./ REL

Pas