Mijëra njerëz u mblodhën në Sheshin Rabin të Tel Avivit (vendi ku Kryeministri laburist u vra nga një ekstremist hebre i djathtë në vitin 1995) për të festuar qeverinë e re Bennett-Lapid e cila e çon në opozitë Benyamin Netanyahun.
Mes njerëzve shihen shumë flamuj kombëtarë të Izraelit së bashku me ata të lëvizjes protestuese, që përgjatë një viti manifestoi kundër Kryeministrit Benyamin Netanyahu në Jeruzalem.
“Ne kemi ndërmend të kërcejmë gjithë natën, askush nuk shkon të flejë sot,” tha një nga organizatorët. Midis artistëve që do të interpretojnë para qytetarëve është një anëtar i lëvizjes protestuese, autori i disa këngëve anti-Netanyahu./Opinion.al
