Ivanka Trump, vajza e presidentit amerikan, Donald Trump, dhe bashkëshorti i saj Jared, janë larguar nga shtëpia e tyre në Uashington për t’u mbledhur bashkë me fëmijët në një klub golfi, pronë e familjes në Nju Xhersi.
“New York Times”, shkruan se udhëtimi nuk ishte aspak një rast urgjence, por një dëshirë e familjes Trump-Kushner, për të festuar bashkë me tre fëmijët, Pashkët hebraike.
Pas darkës burimet thonë se bashkëshorti Kushner është rikthyer në Uashington, ndërsa Ivanka me fëmijët qëndruan në Nju Xhersi.
Vetëm një muaj më parë vajza e presidentit, njëkohësisht këshilltare e tij, postoi një video në rrjetet sociale ku i kërkonte amerikanëve të respektojnë distancën sociale dhe rregullat pasi kështu shpëtojnë jetë njerëzish./Opinion.al
