Pas ngjarjes së rëndë që tronditi mbarë vendin, ku katër persona mbetën të vrarë dhe u plagosën dy të tjerë pas një konflikti me armë ka folur për mediat Pjetër Gocaj, babai i dy djemve të vrarë pas mesnate në Velipojë, Xhovanit, 25 vjeç dhe Edmondit, 38 vjeç.
Gocaj thotë vitin e kaluar i kanë pasur ato shezlongët dhe këtë vit po prisnin që të bëhej ndarja. Ai tregon se i vranë djemtë në derë të shtëpisë, dhe madje djali i madh jetonte në Angli dhe kishte ardhur për të investuar. Më tej ai tregoi se edhe djalin e dytë e kanë qëlluar më pas për vdekje, ndërkohë që shton se nuk ishte i pranishëm në vendngjarje.
“Kjo qe ka ndodhur mos i ndodhtë me kujt, mua me është fikur dera e shtëpisë. Uroj qe mos ti ndodh askujt. Nuk e kuptoj si ka ndodhur konflikti, por e di qe për shezlongët. Me kane vrare tek dera e shtëpisë, me kane vrare dy djemtë. Çfarë me duhet jeta me. Vitin e kaluar i kam pasur unë shezllonet, ketë vit ia kane dhëne atij. Ne kemi pritur qe te ndahen shezlongët sepse kane qene pa u ndare ende, ata kane ardhur dhe na vranë ne shtëpi. Uroj mos ti ndodh me kujt se peshën e rende te kësaj ngjarje e kam unë mbi supe. Ne i kemi vendosur shezlongët përpara se te behej ndarja nga shteti dhe ishim ne pritje kur te vendosej kjo ndarje për te shikuar se ku i kemi ne dhe ku i kane ata. Ata erdhën dhe qëlluan djalin e madh te parin qe ishte me dokumente angleze i cili ka ardhur për te investuar dhe punuar. Pastaj qëlluan edhe djalin tjetër, djali i dyte i ka qëlluar edhe ai. Kur ka ndodhur nuk kam qene këtu por nuk kane ardhur për te folur përderisa kane ardhur me arme tek dera e shtëpisë. Uroj mos ti ndodh më askujt”, deklaron ai.
Më tej ai thotë se autorët i ka patur shokë dhe kolegë ndërsa thekson se nuk e di se në çfarë rrethanash ka ndodhur ngjarja.
“I kam pasur kolegë, shokë, se kena qenë këtu afër, se në çfarë rrethana ma kanë bërë këtë punë nuk e di”, shton ai./Opinion.al
