Ditën e sotme u zhvillua seanca gjyqësore ku ish-drejtori i ALUIZNI-t në Tiranë, Ferdinand Shehu ka apeluar vendimin për sekuestrimit e 1.5 milionë euro të bërë disa kohë më parë.
Shehu ishte i pranishëm në gjykatë dhe gjatë seancës ka pretenduar se paratë e sekuestruara janë të ligjshme.
Ndërkohë mësohet se për shkak të mungesës së prokurorit gjyqi është shtyrë për në muajin shtator. Sekuestro e këtyre parave është vendosur rreth 10 ditë më parë me vendim të Prokurorisë së Tiranës.
Këto para janë sekuestruar nga policia pasi dyshohet se janë të përfituara nga burime të paligjshme nga Shehu, i cili ka qenë kreu i ALUIZNI-t për rajonin e Tiranës.
Ferdinan Shehu, u shkarkua nga kjo detyrë në vitin 2011, detyrë të cilën ia kishin ngarkuar në vitin 2010./Opinion.al
