Arsyeja e ardhjes së Edlirës në programin “E Diela Shqiptare” në Tv Klan për në rubrikën “Ka Një Mesazh Për Ty” është vëllai i saj. Por përpara se të flasë për të, ajo shprehet se i ka munguar gjithnjë figura atërore.
Prindërit e Edlirës u ndanë vetëm pak muaj pas lindjes së saj dhe ajo u rrit në shtëpinë e dajës së saj. Me vitet që kalonin, po kuptonte se nuk po rritej me të dy prindërit pranë dhe nuk pati kurrë një takim të parë me të atin.
Edlira: Të parin e lidh me babain që s’ka qenë një model pasi mamaja ime u martua e re me të, patën një lidhje shumë të bukur dhe u ndanë kur isha 6-muajshe. U rrita tek daja, me nipër e me mbesat si të gjithë fëmijët, por e ndieja gjithnjë mungesën.
Ardit Gjebrea: Duke u rritur kuptove që kishte disa mungesa në familje, të rëndësishme.
Edlira: Ishte një shumë e rëndësishme, shumë e madhe aq më tepër kur shikoja të tjerët me prindërit që ishin shumë të lumtur.
Ardit Gjebrea: Daja kishte fëmijë?
Edlira: Kishin, patjetër që kishin.
Ardit Gjebrea: Dhe ti si fillim mendoje që ishin motrat dhe vëllezërit e tu?
Edlira: Po dhe atë e mendoja por doja të kisha ndonjë vëlla të vogël që ta mbaja në dorë të them të drejtën dhe non stop mamanë e ngacmoja në këtë drejtim, të lutem, të lutem, më bëj një vëlla, një motër të vogël.
Ardit Gjebrea: Po me kë do ta bënte mami?
Edlira: Po hë! Unë s’dija, isha e vogël edhe ia kujtoja me ngulm asaj, akoma s’kisha kuptuar se ku isha.
Ardit Gjebrea: Kur fillove të kuptosh?
Edlira: Kur vajta 5-6 vjeçe dhe më thotë mamaja që “do të të çoj të konkurrosh për muzikë se e shoh që…”
Ardit Gjebrea: Ke talent.
Edlira: “Ke talent dhe dua që t’i ngjash babit, e di që i ngjan dhe dua të të jap një instrument që ti ta dish arsyen pse unë po e bëj”. Dhe për fat të mirë unë vërtet e fitova atë konrkus dhe aty vërejta kur mami më tregoi një ditë babin se kush ishte dhe u stepa me thënë të drejtën, nuk kisha atë dashurinë e madhe që të shkoja ta përqafoja e kështu dhe nuk pranova.
Ardit Gjebrea: Babi ishte muzikant?
Edlira: Patjetër, sidomos nëpër koncerte, nëpër provime, nëpër gjëra më mungonte por s’e zgjidhja dot dhe vazhdova të ecja përpara./tvklan.al
