Ish-kryetari i Kuvendit të Kosovës, Jakup Krasniqi, i cili po gjykohet në Hagë për krime lufte, është ndaluar të marri pjesë në seancë, pasi kishte vendosur një kravatë me shqiponjën dykrenare dhe dizenjo kuqezi.
Në lidhje me këtë ngjarje, ka reaguar vajza e Krasniqit, Gresa Krasniqi.
Me anë të një postimi në rrjetet sociale, ajo e ka krahasur babain e saj me Mic Sokolin dhe thotë se babait të saj mund t’ia zhveshin shqiponjën nga gjoksi, por kurrë nga zemra.
“Mic Sokoli me gjoksin e tij kishte pritur gjylen e topit sepse dëshira per çlirim dhe liri ishte më e madhe se jeta prej zvarraniku.
Mic Sokolët sot, me gjoksin e tyre presin padrejtësitë e këtij shekulli ndonese mbi supet e tyre rëndojnë plagët e pa sheruara të një populli të shtypur e te vuajtur!
Mic Sokoleve sot, nga gjoksi mund nga t’ia zhveshni shqiponjën, por kurrë nga zemra!”, shkruan Gresa Krasniqi.
