Një 39 vjeçar është arrestuar nga policia në fshatin Dukaj të Tepelenës pasi iu gjet një kasetë metalike me 540 fishekë luftarakë.
Uniformat blu bëjnë me dije se kanë vënë në pranga shtetasin Robert Islami ndaj të cilit rëndon akuza për veprën penale “Mbajtja pa leje dhe prodhimi i armëve, armëve shpërthyese dhe municionit”.
39-vjeçari dyshohet jetë posedues i një kasete metalike me 540 fishekë luftarak në të, e cila u gjet në lagjen “Demokracia” dhe u sekuestrua në cilësinë e provës materiale.
“Specialistët e Seksionit për Hetimin e Krimeve të Komisariatit të Policisë Tepelenë arrestuan shtetasin R. I., 39 vjeç, banues në fshatin Dukaj, Tepelenë, pasi dyshohet si posedues i një kasete metalike me 540 fishekë luftarak në të, e cila u gjet në lagjen “Demokracia” dhe u sekuestrua në cilësinë e provës materiale.
Vijojnë veprimet hetimore për përcaktimin e përgjegjësisë penale të 39-vjeçarit, në lidhje me këtë rast”, tha policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme./Opinion.al
