Një 38-vjeçar shqiptar është arrestuar në Prato të Italisë pasi është kapur me sasi të mëdha hashashi dhe kokaine.
Sipas mediave italiane, shqiptari u arrestua në Masiano di Pistoia teksa po drejtonte një mjet tip “Porsche”, me vlerë mbi 100 mijë euro, të cilën e kishte të regjistruar në emër të babait të tij.
Gjatë kontrollit të makinës, autoritetet italiane gjetën dy kilogramë kokainë si dhe 19.5 kilogramë hashash i ndarë në tableta 100 gramë secila.
Mësohet se, pjesa më e madhe e drogës së sekuestruar do të shitej në Pratos, ku 38-vjeçari shqiptar ishte vënë re vazhdimisht të takohej me shpërndarës droge.
Sakaq, kokaina e sekuestruar nga policia italiane, nëse do të shitej me pakicë në treg do të kapte vlerën e rreth 700,000 euro.
KOMENTO (0)
