Sot, 4 korrik, kanë nisur largimet në bashkinë Vlorë. Janë plot 21 drejtorë në këtë bashki që pas kërkesës e kritikave të kryeministrit Edi Rama, kanë dhënë dorëheqjen. Drejtorët e Bashkisë së Vlorës që kanë dhënë dorëheqjen janë si më poshtë:
1-Zambak Selmanaj, drejtor i Infrastrukturës dhe Urbanistikës
2-Olsi Durrolli, drejtor i përgjithshëm i Ekonomisë
3- Dorjan Demiri, drejtor përgjithshëm Juridik
4- Kozma Mali, drejtor i Financave
5- Jovan Jaupaj, drejtor i Aseteve
6-Arlinda Tepelena, drejtore e turizmit
7-Dorjan Xhelili, drejtor NSHP
8-Francesko Tozaj, drejtor i Pastrimit
9-Endri Rrokaj, drejtor i Gjelbërimit
10-Anila Hitaj, drejtoreshë e Shtëpisë së Foshnjës
11-Irena Stasa, drejtoreshë e Shërbimeve Sociale pranë bashkisë
12-Elida Grabova, drejtoreshë e Shtëpisë për Personat me Probleme Mendore
13-Lorela Ballaj, drejtoreshë e Shtëpisë së Fëmijëve me Aftësi të Veçanta
14-Sokol Kananaj, Drejtor i Tatimeve pranë bashkisë
15-Ardian Vreshtazi, drejtor i Emergjencave Civile
16-Sokol Toto, drejtor i teatrit “Petro Marko”
17-Genci Demiraj, drejtor i Pallatit të Kulturës
18-Laura Brinja, drejtore e burimeve njerëzore
19-Igli Zahaj, drejtor i IMT
20-Emiljano Ismalili, drejtor i policisë bashkiake
21- Elona Merkaj, drejtoreshë e Pallatit të Sportit
Në mbledhjen e djeshme me dyer të mbyllura, mësohet se Rama ka prezantuar edhe komisionet që do të angazhohen në ristrukturimin e punës, raporton tvklan.al.
I pari komision që do të kujdeset për ristrukturimin dhe që gjithashtu do të angazhohet në terren për mbledhjen e problematikave dhe raportimin e tyre çdo të hënë në Bashki, përbëhet nga deputetja e sapozgjedhur Zamira Sina, kandidatet Evis Alushi dhe Briseida Çakërri.
Ndërsa emërimet për emrat e rinj të drejtuesve do të vendosen nga një tjetër komision që përbëhet nga Drejtuesi Politik Bledi Çuçi dhe ministri Pirro Vengu.
Kryeministri Rama ka kërkuar gjithashtu dorëheqjet e drejtorëve në drejtoritë me varësi nga qendra, për të cilat është angazhuar Pirro Vengu. Vengu ka sqaruar se një pjesë e dorëheqjeve janë dorëzuar, ndërsa pjesa tjetër pritet në ditët në vijim.
Gjatë vizitës në Bashki, Rama ka lajmëruar emrat e rinj të kryetarit të Partisë Socialiste dega Vlorë. Pas largimit të Admir Malaj, është emëruar ish-kandidati socialist Klevis Kaso, ndërsa bashkëkryetare e komanduar do të jetë deputetja e sapozgjedhur, Erjona Ismaili.
Ky vendim i numrit një të kabinetit qeveritar, vjen pas problematikave në qytetit bregdetar me ujin e pijshëm apo zjarrin në fushën e mbetjeve, një fenomen i përsëritur vit pas viti dhe që ka pasur impakt te sezoni turistik./tvklan.al
