Kryeministri Edi Rama ka publikuar në rrjetet sociale një video nga ITB Berlin, një nga panairet më të mëdha të Turizmit në botë.
Krahas videos, Rama shkruan se Shqipëria përfaqësohet denjësisht në këtë panair për shkak të punës dhe investimeve të bëra nga qeveria e tij.
Rama thotë se në muajin prill në Shqipëri mbahet Forumi Ndërkombëtar i Turizmit në Tiranë,, në kuadër të bashkëpunim i ministrisë së Turizmit e Mjedisit me Organizatën Botërore të Turizmit.
Postimi i Ramës
Shqipëria në ITB Berlin, Panairi më i madh i Turizmit në botë, ku më në fund përfaqësohemi denjësisht jo thjesht me natyrën e bukur po me një ofertë serioze turistike, falë punës këmbëngulëse vit pas viti, ndryshimit të imazhit të zymtë të Shqipërisë së deri disa viteve më parë, investimeve publike e private, si edhe një armate të dinamike operatorësh turistikë.
Pason në prill Forumi Ndërkombëtar i Turizmit në Tiranë, një bashkëpunim i ministrisë sonë të Turizmit e Mjedisit me Organizatën Botërore të Turizmit, për të cilin biseduam në Berlin edhe me Sekretarin e Përgjithshëm #UNWTO Zurab Pololikashvili.
