Mbërrin në të paktën 22 numri i viktimave të shkaktuara nga rënia e urës Morandi në autostradën A10 në Genova të Italisë. Mediat vendase raportojnë se ky numër pritet të vijë në rritje, ndërsa mes viktimave është gjetur edhe një vajzë e vogël. “Corriere della sera” shkruan për 5 të plagosur në gjendje shumë të rëndë, ndërkohë që fotografitë flasin për automjete të mbetura nën strukturat e urës.
«Këtu është një ferr», përsërisin vazhdimisht punonjësit e ndihmës së shpejtë që po punojnë për të nxjerrë të plagosurit dhe viktimat.
Fatmirësisht nuk janë raportuar shqiptarë të lënduar nga kjo tragjedi, sikurse bën me dije Ambasada Shqiptare në Romë.
“Deri tani nuk kemi informacione nëse mes të lënduarve ka qytetarë shqiptarë. “Qendrojmë në gatishmëri të plotë për t’iu përgjigjur kërkesave për asistencë. Numri i kontaktit operativ është +39 0686224115,” njofton ambasada.
