Policia italiane e provincës së Piacencës ka shkatërruar një bandë grabitësish banesash e përbërë nga 3 shqiptarë.
Gjatë 20 ditëve të fundit ata kishin kryer 18 grabitje vilash e banesash në komunat e Monticelli d’Ongina, Castelvetro Piacentino, Villanova sull’Arda, Caorso, San Pietro in Cerro e Cortemaggiore.
Të arrestuarit janë; Shqiptari M.I 22 vjeç banues në komunën Romano di Lombardia në provincën e Bergamos i skeduar dhe i arrestuar më parë për vjedhje nga policia italiane, shqiptari J,G 25 vjeç banues në komunën Castelvetro Piacentino në provincën e Piacencës i dënuar më parë nga drejtësia italiane dhe me një urdhër dëbimi 5 vjecarë nga territori italian dhe K.L 23 vjeç banues në Castelvetro Piacentino në provincën e Piacencës i dënuar kohë më parë nga Prefektura e Bergamos me urdhër dëbimi nga territori italian për 5 vite radhazi.
Hetimet e policisë italiane kanë nisur gjatë muajit gusht, pas sinjalizimeve të shumta të banorëve të provincës së Piacencës për numrin e madh të grabitjeve në territorin e tyre
Pas vënies nën kontroll të zonës, policia italiane ka mundur të identifikojë automjetin tip Volvo që përdorej nga anëtarët e bandës e më pas të vë në pranga 3 shqiptarët.
Policia italiane ka denoncuar dhe të fejuarën e njërit prej shqiptarëve të arrestuar. Ajo është një 28 vjeçare shqiptare e cila ishte transferuar të jetonte në Romë duke marrë me vete një pjesë të objekteve të grabitura nga banda me një vlerë prej 20 mijë euro.
Ndër objektet e sekuestruara janë çanta të markave luksoze, bizhuteri e para cash.
