Një mijë pushues janë vendosur në karantinë nga autoritetet brenda një kompleksi në Tenerife, pasi një turist italian që qëndronte aty rezultoi i prekur me koronavirus.
Turisti italian që rezultoi i infektuar nga virusi vdekjeprurës, vinte nga Italia, konkretisht nga rajoni i Lombardisë dhe qëndroi në hotel për disa ditë së bashku me të shoqen.
Ai iu drejtua një qendre shëndetësore pasi nuk ndjehej mirë dhe pas ekzaminimeve u vendos në karantinë në spitalin universitar të “Nuestra Señora de Candelaria” në Santa Cruz .
Sipas mediave, hoteli i bllokuar quhet H10 Costa Adeje Palace dhe në këtë periudhë të vitit frekuentohet shumë nga turistët britanikë.
Bëhet me dije se policia ka rrethuar të gjithë zonën përreth kompleksit dhe nuk lejon askënd që të hyjë dhe të dalë prej aty, me qëllim për të parandaluar përhapjen e virusit.
Në Spanjë deri më tani ishin raportuar dy raste të prekurish nga virusi vdekjeprurës, ndërsa pritet që numri të shtohet pas kryerjes së analizave në qindra persona të dyshuar./Opinion.al
