Një shtetas italian u kapn në Bari nga Guardia di Finanza duke transportuar vaj hashashi dhe hashash. Lënda narkotike u gjet e fshehur në bagazhin e automjetit me targa italiane në pronësi të G.M, 50 vjeç.
50 vjeçari italian kishte blerë lëndën narkotike në Shqipëri dhe kishte kaluar me lehtësi në portin e Durrësit. Policia në Bari arriti ta ndalojë dhe të sekuestrojë 922,9 gr vaj hashashi dhe 10.114,2 gr marijuanë.
Policia jonë thotë se po punohet për zbardhjen e plotë të këtij rasti të trafikimit të lëndëve narkotike, ku ka një shkëmbim intensiv të informacioneve mes Policisë Kufitare të Durrësit, Guardia Di Finanzës së Barit dhe Policisë Kriminale Italiane në Shqipëri. Për shkak të sekretit hetimor rezervohen të dhëna të tjera, thuhet në njoftim.
/Opinion.al
