Plot 4 ton drogë janë kapur në brigjet italiane. Droga ishte ngarkuar në Shqipëri dhe po transportohej me skaf në Itali.
Dy trafikantë droge janë arrestuar në Brindizi nga Guardia di Finanza, pas një ndjekje të gjatë në det të hapur.
Operacioni nisi mbrëmjen e djeshme dhe përfundoi sot në orët e para të mëngjesit. Droga e kapur, ka një vlerë 4 mln euro në treg. Sipas mediave italiane, dy skafistët e arrestuar janë italianët Antonio Zecca 51 vjeç dhe Antonio Lacocciolo 66 vjeç.
Të dy janë nga Brindizi dhe të njohur për policinë italiane. Dyshohet se dy italianët e kanë blerë drogën në Shqipëri dhe janë nisur gjatë natës në vendlindje. Gjithashtu, policia po punon për identifikimin e bashkëpunëtorëve të tjerë shqiptarë.
