Ish-ministri i Jashtëm italian është kreu i qeverise se re, që do të cojë vendin në zgjedhjet e ardhshme. Paolo Gentiloni, është ngarkuar të dielën nga presidenti Matarela për të formuar qeverinë e re pas dorëheqjes se Matteo Renzit.
Kreu i qeverise se 64-t italiane në këto 70 vite do t’i duhet të paraqesë sa më shpejtë emrat e ministrave të rinj të ekzekutivit.
62-vjeçari do të përballet me një nga ngërçet më delikat të politikes italiane, miratimin e ligjit te ri elektoral, i cili do t’i hapë rruge zgjedhjeve të përgjithshme në vitin 2018.
Situata me ligjin elektoral është bërë shkak edhe i kërkesës së Renzit për referendumin që i dha atij dorëheqjen nga kreu i qeverise.
Aktualisht të dy dhomat, ajo e senatit dhe e deputeteve, kanë secila nga një ligj të ndryshëm elektoral.
Detyra e Gentilionit është pikërisht arritja e një marrëveshjeje mes palëve për të paraqitur një ligj të unifikuar mbi reformën elektorale.
62-vjeçar ka prejardhje nga një familje kontësh. Karriera e tij politike ka nisur në lëvizjen ekologjike pëer të mbuluar më pas poste të ndryshme në nivel vendor e kombëtar./ TV KLAN
